Mamatë e dinë se sa e vështirë mund të jetë kur sjell në jetë 3, 4 ose më shumë fëmijë, por të jesh një nënë e shumë fëmijëve ka gjithashtu edhe anët e saj pozitive.
Duke pasur shumë fëmijë, ata do ta mbushin jetën tuaj me shumë aventura, me shumë dashuri dhe do t’ju garantojnë përkujdesje dhe mbështetje gjatë jetës tuaj si të moshuar.
Rezulton se lindja e shumë fëmijëve mund t’ju japë edhe më shumë se kaq. Ekspertët zbuluan se sa më shumë fëmijë të keni, aq më gjatë jetoni dhe shpjegimet e tyre duken mjaft bindëse.
Ne pamë disa studime shkencore që shpjegojnë pse dhe se si një nënë të shumë fëmijëve mund t’i zgjatet jeta dhe këtu është ajo që kemi mësuar.
Studimet kanë treguar se sa më shumë fëmijë të ketë një grua, aq më jetëgjatë është ajo
Një ekip studiuesish nga Universiteti i Uellsit të Ri Jugor studioi një grup të madh australianësh të moshuar për të gjetur se si mungesa ose prania e fëmijëve (dhe numri i tyre), ndikon në jetëgjatësinë e grave.
Rezultoi që gratë që kishin 2 fëmijë kishin 17% më pak rrezik vdekje në krahasim me ato që nuk kishin fëmijë. Gratë me 3 fëmijë demonstruan një rrezik më të ulët vdekshmërie që ishte 20% më pak dhe ky model vazhdoi me një numër më të madh fëmijësh. Pra, cilat janë arsyet për këtë efekt fantastik të amësisë?
Lindja e shumë fëmijëve ngadalëson plakjen qelizore, sugjeron një nga teoritë.
Studimi i kryer nga një ekip ekspertësh nga universiteti Simon Fraser në Kanada tregoi se gratë me më shumë fëmijë kanë gjasa ta kenë më të ngadaltë procesin e plakjes së qelizave të tyre.
Profesori Pablo Nepomnaschy dhe studiuesja postdoktorale, Cindy Barha studioi gratë nga Guatemala të cilët treguan shenja jetëgjatësie qelizore.
Plakja qelizore tregohet nga shkurtimi i telomereve, majët mbrojtëse që gjenden në fund të çdo fije të ADN-së që kanë tendencë të shkurtohen me kalimin e kohës.
Profesor Nepomnaschy dhe ekipi i tij u befasuan kur mësuar se gratë me telomeres më të gjatë kishin më shumë fëmijë. Shkencëtarët besojnë se ky fenomen mund të lidhet me rritjen dramatike të estrogjenit, të cilat nënat e shumë fëmijëve i përjetojnë.
Statusi social dhe psikologjia gjithashtu mund të jenë të rëndësishme.
Pablo Nepomnaschy përmend një arsye tjetër për lidhjen e fëmijëve me jetëgjatësinë. Ai beson se statusi social tek nënat mund të bëjë një ndryshim.
Nënat me shumë fëmijë në përgjithësi marrin më shumë mbështetje nga miqtë dhe familjet e tyre duke ndikuar pozitivisht në gjendjen e tyre fizike dhe emocionale.
“Mbështetja e duhur çon në një rritje të sasisë së energjisë metabolike që mund të shpërndahet për mirëmbajtjen e indeve, duke ngadalësuar kështu procesin e plakjes”, thotë ai.
Hulumtimi i kryer nga një ekip ekspertësh nga universiteti Edith Cowan në Perth në Australi tregoi se familjet me 4 ose më shumë fëmijë marrin kënaqësinë më të madhe të jetës.
Doktor Harman është i sigurt se kjo lidhet me rritjen e mbështetjes së ndërsjelltë brenda familjes dhe një atmosferë paqësore psikologjike.
“Fëmijët kurrë nuk janë të mërzitur, kanë dikë që të luajnë dhe shpejt krijojnë pavarësi “, thotë mjeku.
Çfarë mendoni për këtë teori? Na tregoni mendimet tuaja në koment!
