Herën tjetër kur dikush ankohet për atë se sa shumë flisni, konsiderojeni një lajm të mirë.
Komunikimi i shumtë jo vetëm që ju ndihmon të krijoni dhe ushqeni lidhje shoqërore më të thella dhe të shpreheni më saktë, por ekspertët besojnë se mund të jetë gjithashtu një parashikues i një jetëgjatësie.
Ne do t’ju udhëzojmë për zbulimet e studimeve të fundit që sugjerojnë që ata që flasin shumë gjatë, jetojnë gjithashtu për një kohë të gjatë.
Është një koncept i njohur shkencor sipas të cilit gjatësia e jetës sonë varet nga gjenet tona. Disa ekspertë madje studiojnë atë që ata e quajnë “gjen i jetëgjatësisë”, i cili është një gjen që është përgjegjës për riparimin e ADN-së në mënyrë më efikase. Kërkimet e fundit sugjerojnë që jetëgjatësia jonë nuk varet vetëm nga gjenetika, por edhe nga sa flasim.
Një grup shkencëtarësh nga Kolegji i Mjekësisë Albert Einstein dhe Universiteti Yeshiva, në Shtetet e Bashkuara, studiuan numrin e fjalëve që flasim dhe si ato ndikojnë në jetëgjatësinë tonë. Ata zbuluan se njerëzit e shoqërueshëm, llafazanë, të cilët paraqesin sjellje dhe ide më të tolerueshme, pozitive dhe optimiste, kanë një cilësi më të mirë të jetës, gjë që rrit jetëgjatësinë e tyre.
Hetimi, i drejtuar nga Dr. Nir Barzilai, studioi 250 të rritur të moshuar midis moshës 95 dhe 100, duke u përqëndruar në marrëdhëniet midis personaliteteve dhe gjenetikës së tyre. Analiza e personalitetit zbuloi disa rezultate zbavitëse: Njerëzit që e perceptonin veten e tyre si më pozitivë, gjithashtu kënaqeshin duke folur shumë.
Dhe ata nuk janë të vetmit që kanë arritur në këtë përfundim. Psikiatri spanjoll, Luis Rojas Marcos, shpjegon në librin e tij, Ne Jemi Çka Flasim, se njerëzit që flasin më shumë se 15,000 fjalë në ditë jetojnë më gjatë se ata që flasin më pak. Sipas Dr. Rojas Marcos, njerëzit “bisedues” të cilët jetojnë duke ndjerë një ndjenjë përmbushjeje, janë më të shëndetshëm dhe gëzojnë jetë më të gjatë.
Gjetjet e tij interesante mund të mbështesin studimet që shpjegojnë pse gratë jetojnë më gjatë se burrat, pasi që janë gratë ato që flasin më shumë për shkak të niveleve të tyre të larta të proteinave FOXP2, të njohura gjithashtu si “proteina e gjuhës”.
Shkencëtarët besojnë se nivelet më të larta të FOXP2 i bëjnë gratë të flasin mesatarisht 20,000 fjalë në ditë, ndërsa burrat thonë vetëm rreth 7,000 fjalë në ditë. Ka një ndryshim prej 13,000 fjalësh që ia vlen të vërehet.
